表情（剧场版）—许志安/薛凯琪 作曲:雷颂德 作词:小克 编曲：雷颂德 我从来无同你讲过我最钟意你啲咩 就系其实你同我好唔同 你会识得讲好多好多嘢 去表达你自己 去令我更加明白你 我记得 当时我每日都写好多文字俾你 而你就用返好多公仔表情嚟复我 有时俾一个微笑 有时戚一戚眼眉 有时就眼湿湿 我望见一剔时 再望见双剔时 让我得知你回眸过 在耻笑我多傻 回复我那表情 如取替你心声 我一路以为你会明白 我send俾你每一个表情嘅意思 因为我哋不嬲都系咁样沟通架 谁不气馁 写出一千句百万句 谁的应对 却定要那么的干脆 给我穿心一箭藏证据 当天怎么也得到你默许 相恋时你共我相恋时 手机中数百句我愿意 黄色小脸献着吻 纤巧的细心 卡通标志建立着信心 分手时爱亦变得虚拟 慰问多敷衍了事 再没温馨的莞尔 如同陌生的女子 相恋再不可以 相处耐咗 我哋嘅角色好似掉转咗咁 我会不停问你嘢 我想打开任何嘅一个话题 但系你都唔理我 你开始收埋自己 乜都唔同我讲 对唔住呀 喺嗰段时间因为好多嘢 令到我好唔开心 而我亦都唔知点同你解释 我好想好想帮你 但系你无俾机会我呀 因为我睇到你对住我嘅时候 你已经开始无表情 到后来我肯同你讲返多啲嘢嘅时候 亦都系你决定离开我嘅时候 谁于每晚 渴望心心眼与颂赞 谁的两眼 已换上痛哭跟悲叹 给我伤心撕裂无冀盼 沟通的诗意此际正在散 相恋时你共我相恋时 手机中数百句我愿意 黄色小脸献着吻 纤巧的细心 卡通标志建立着信心 分手时爱亦变得虚拟 慰问多敷衍了事 慢慢你嘅whatsapp里面 开始出现返好多好多嘅文字 但系你写嘅嘢话俾我听 你已经唔系以前嘅你 所以你就求其复我呀 再造鬼脸送予某个人 但情感怎么都不称心 其实我净系用一个emoji去回复你 你可能会觉得我喺度敷衍 或者报复紧 其实我唔系呀 我只系希望用一个小小嘅emoji 去提醒返大家我哋以前系点样 嗰一刻嘅你嗰个表情 先至系我最深爱嗰个人 多虚拟这段爱多虚拟 习惯用画面去表示 你合手祝福之时 鱼和雁终于告知 相恋再不可以 验证交叉眼那意思 你可能唔知道 其实你想同我讲嘅每一句说话 都喺你嘅表情里面讲晒。